TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë “Mundësia”, Agron Shehaj, duke komentuar qëndrimin e opozitës për zgjedhjet vendore të vitit të ardhshëm, u shpreh në emisionin Të Paekspozuarit në Vizion Plus, se do të ishte mirë që opozita të ishte e bashkuar, por aktualisht qëndrimet janë të ndryshme.
“Nuk mendoj se ka njeri kundër bashkimit, por duhet të flasim edhe në bazë të realitetit. Kemi PD në opozitë, që protesta nuk e do, ose të paktën lidershipin. Kemi protestuesit dhe partitë e reja. Mirë do të ishte të mbështesnin të gjithë një kandidat, por ka një palë që nuk do një tjetër. Unë nuk jam në kushtet të këshilloj protestuesit se çfarë të bëjnë. Kam dëgjuar shumë gjëra, nuk besoj se kemi luksin, që të parashikojmë çfarë ndodhi.
Të gjithë ishin të bindur se Rama nuk mundej, populli nuk reagon. Ndryshimin e kanë bërë ata. Nuk besoj se kanë nevojë për këshilla, mendoj se duhet t'i lëmë të vazhdojnë dhe ta bëjnë.
Se si do të vejë për zgjedhjet lokale, siç po e shohim, mund të ketë lëvizje të reja politike, por e qartë që parimisht bashkimi është gjëja më e mirë”- tha Shehaj.
