SPORT, 19 Dhjetor 2020, 10:29

Lajm i hidhur për futbollin shqiptar, ndahet nga jeta në moshën 54-vjeçare ish futbollisti i Partizanit


Sporti shqiptar në zi. Ditën e sotme është ndarë nga jeta në moshën 54-vjeçare ish-lojtari i Partizanit Sabri Balla. Ish-mesfushori vuante nga diabeti. Balla kishte dalë nga akademia e Partizanit dhe në sezonin 1984-1985, u bë pjesë e ekipit të parë në moshën 18-vjeçare, ndërkohë që zuri vend edhe në formacion asokohe.

Një mesfushor i pa lodhur, i cili me paraqitjet e tij të shkëlqyera mori edhe ftesën nga Kombëtarja e Shpresave. Balla ishte pjesë e Partizanit finalist në Kupën e Shqipërisë në vitin 1985.