TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Grupi italian i rrokut, "Maneskin", ka fituar festivalin e Eurovizion, të mbajtur në Hollandë, me këngën "Zitti e Buoni".
Në vendin e dytë u rendit Franca dhe në të tretin Zvicra.
Shqipëria nuk arriti të marrë një rezultat të kënaqshëm, duke u renditur në vendin e 21 edhe pse performanca e Anxhela Peristerit me këngën "Karma", ishte mjaft e mirë dhe e vlerësuar nga kritikët.
Kjo është hera e tretë që Italia fiton Eurovizionin, që prej krijimit të këtij kompeticioni. Në vitin 1964, Gigliola Cinquetti fitoi festivalin dhe një vit më pas, Eurovizioni u mbajt në Napoli.
Gjithashtu në vitin 1990, këngëtari mjaft i njohur italian, Toto Cotugno fitoi me këngën "Insieme". Në vitin 1992, Eurovizioni u mbajt në Romë.
Rezultatin më "dëshpërues" të këtij viti, e mori Mbretëria e Bashkuar, me zero pikë nga juria dhe zero pikë nga publiku.
/TPZ.al/
