TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-presidenti sirian Bashar al-Assad dhe Atef Najib, ish-kreu i Sigurisë Politike në provincën jugore siriane Deraa, janë dënuar me vdekje. Mediat e huaja bëjnë me dije se një gjykatë penale në Damask të martën e shpalli Assadin fajtor për vrasje me paramendim, ndërsa Najib u dënua për vrasje me paramendim dhe torturë.
Konkretisht, ish-presidenti sirian u shpall fajtor për vrasje të qëllimshme, torturë, ndalim arbitrar dhe krime kundër njerëzimit, sipas vendimit të gjykatës.
Gjykatësi tha se gjykata e gjeti Assadin përgjegjës për një sërë krimesh, të cilat ai i përshkroi si "serioze dhe të tmerrshme", duke përfshirë vrasjen me paramendim të shumë njerëzve dhe shënjestrimin e qëllimshëm të fëmijëve.
Në shpalljen e vendimit, gjykatësi vuri në dukje se vendosja e dënimit me vdekje bazohej në pjesëmarrjen e Assadit në tortura, ndalim arbitrar dhe krime kundër njerëzimit.
Ish-presideni ndodhet në arrati që nga koha kur rebelët morën pushtetin. Bashar al-Assad u arratis për në Rusi, ndërsa në vendin e tij tashmë e pret dënimi me vdekje.
