TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Këshilli i Sigurimit i Kombeve të Bashkuara të premten “dënoi” sulmet e nisura kundër Arabisë Saudite nga lëvizja rebele jemenase Houthi, e cila është e afërt me Iranin, pasi Riadi ndërpreu raketa e dronë.
“Anëtarët e Këshillit të Sigurimit dënojnë me fjalët më të ashpra vazhdimin e sulmeve të Houthive kundër Mbretërisë së Arabisë Saudite”, në veçanti ato “kundër infrastrukturës politike dhe energjetike, të cilat kanë rezultuar në plagosjen e civilëve, përfshirë gratë dhe fëmijët”, theksoi një njoftim për shtyp të lëshuar nga presidenti i Këshillit të Sigurimit këtë muaj, ambasadori francez në Jemen, Jerome Bonafont.
Teksti gjithashtu thekson se shtetet anëtare dënojnë “sulmet ndaj anijeve dhe kërcënimet kundër anijeve tregtare në Detin e Kuq dhe Ngushticën Bab el-Mandab” dhe “thekson rëndësinë” e garantimit të “sigurisë së anijeve tregtare dhe ekuipazheve të tyre”.
Pesëmbëdhjetë shtetet anëtare të Këshillit të Sigurimit bëjnë thirrje për “bashkëpunim praktik”, në veçanti me “Qeverinë e Jemenit” të njohur ndërkombëtarisht, me qëllim “parandalimin e Houthive nga sigurimi i armëve dhe materialeve përkatëse, asistencës teknike, trajnimit, financimit” që do t’u lejonte atyre të kryenin operacione ushtarake.
Ata nënvizojnë “të drejtën e natyrshme të Mbretërisë së Arabisë Saudite për vetëmbrojtje legjitime, në përputhje me ligjin ndërkombëtar”.
Riadi njoftoi se kishte kapur një sulm me raketa e dronë të nisur nga Jemeni.
Houthit më vonë njoftuan se kishin kryer një sulm me raketa balistike dhe dronë kundër qendrave të komandës dhe depove të armëve dhe municioneve në jug të Arabisë Saudite.
