TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari amerikan i Mbrojtjes, Pete Hegseth, dhe Kryetari i Shtabit të Përbashkët të Ushtrisë, gjenerali Dan Caine, kanë dëshmuar para Senatit amerikan mbi strategjinë e administratës Trump në konfliktin me Iranin, ndërsa Pentagoni kërkon fonde shtesë për të përballuar kostot e operacioneve ushtarake.
Sipas zyrtarëve amerikanë, Departamenti i Mbrojtjes kërkon rreth 80 miliardë dollarë për financimin e operacioneve dhe rimbushjen e rezervave të armëve, të cilat janë reduktuar ndjeshëm pas muajve të fundit të luftimeve.
Seanca në Senat u zhvillua në një periudhë tensionesh të larta, pas shembjes së armëpushimit mes Uashingtonit dhe Teheranit në fillim të muajit, çka solli rifillimin e sulmeve dhe humbje të reja për forcat amerikane në rajon.
Një nga incidentet më të rënda ishte sulmi iranian ndaj një baze ushtarake amerikane në Jordani, ku humbën jetën dy ushtarë amerikanë, ndërsa një tjetër rezulton i zhdukur. Ky ishte sulmi i katërt brenda pesë ditësh ndaj forcave amerikane në Lindjen e Mesme.
Sipas vlerësimeve të Pentagonit, këto sulme tregojnë se Irani vazhdon të ketë një arsenal të konsiderueshëm raketash dhe ka përmirësuar aftësitë për të depërtuar sistemet amerikane të mbrojtjes ajrore. Përveç viktimave, dhjetëra ushtarakë janë plagosur dhe disa helikopterë janë dëmtuar.
Administrata amerikane po shqyrton gjithashtu zgjerimin e operacioneve ushtarake ndaj objekteve bërthamore nëntokësore, urave dhe infrastrukturës energjetike të Iranit. Ky skenar pritet të nxisë debate në Kongres lidhur me ligjshmërinë dhe shtrirjen e ndërhyrjes ushtarake.
Një tjetër çështje e rëndësishme mbetet rihapja e Ngushticës së Hormuzit, bllokimi i së cilës ka ndikuar në rritjen e çmimeve të karburanteve dhe ka shtuar shqetësimet për sigurinë e transportit detar.
Senati amerikan pritet të vendosë në ditët në vijim nëse do të miratojë fondet shtesë të kërkuara nga Pentagoni, ndërsa rriten shqetësimet për koston, strategjinë dhe kohëzgjatjen e konfliktit me Iranin.
