TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në perëndim të Argjentinës është zbuluar një varrezë dinozaurësh 220 milion vjeçare. Sipas kërkuesve argjentinas aty janë gjetur eshtrat e dhjet kafshëve.
“Janë rreth dhjetë trupa të ndryshëm. Është një masë kockash, pothuajse pa sedimente. Duket sikur kanë bërë një gropë dhe i kanë hedhur brenda.
Është impresionuese”, shpjegoi palentologu argjentinas Ricardo Martines.
Sipas shkencëtarit të Institutit dhe Muzeut të Shkencave të Natyrës (IMCN) të Universitetit të San Juan (perëndim), këto fosile i përkasin basenit Ischigualasto, i cili korrespondon me 220 milionë vite më parë, një epokë nga e cila e njohim pak faunën.
Argjentina ka fosile të shumta nga tre periudha të ndryshme, Mesozoike Triasike, Jurasike dhe Kretake.
Ato u përkasin kafshëve të ndryshme nga ato të gjendura në Hemisferën Veriore. Mbledhjet e fosileve më të rëndësishme të dinozaurëve gjenden në Patagoni (jug), rajonet e La Rioja dhe San Juan (perëndim) dhe në provincën e Salta (veri).
