TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Numri i të vdekurve në një shpërthim të madh në një fabrikë kimike në Kinën Lindore është rritur në 47, me 90 të plagosur rëndë, sipas agjencisë shtetërore të lajmeve Xinhua.
Shpërthimi i fuqishëm u pasua nga një zjarr në fabrikën që prodhon pleh.
Administrata e tërmeteve të Kinës raportoi për një dridhje të tokës, të barabartë me 2.2 magnitudë në kohën e shpërthimit.
Numri i të vdekurve e bën atë një nga aksidentet më të rënda industriale në vend gjatë viteve të fundit.
Shpërthimi ndodhi të enjten rreth orës 14:50 me orën lokale, në një fabrikë në Yancheng, e drejtuar nga Tianjiayi Chemical.
Sipas Xinhua, një total prej 640 personash u dërguan në spital. Shumë prej tyre ishin në gjendje kritike dhe dhjetëra kishin lëndime të rënda, njofton agjencia.
Shpërthimi ishte aq i fuqishëm, saqë rrëzuan ndërtesat e fabrikës, duke zënë poshtë punëtorët, sipas mediave lokale.
Stafi në Fabrikën Kimike Henglida, 3 km larg nga shpërthimi, tha se çatia e saj u shemb ndërsa ata ikën, dhe dritaret dhe dyert kërcyen jashtë.
Zjarri u vu nën kontroll rreth orës 03:00 të orës lokale të premten, tha televizioni shtetëror.
Një grua, e cila dha mbiemrin e saj si Xiang, tha se ajo kishte qenë e shqetësuar për nivelin e sigurisë dhe ndotjes në fabrikë për njëfarë kohe.
"Ne e dinim se do të hidhej në erë një ditë," tha për AFP.
Reuters citoi zyrtarët lokalë të thoshin se nuk kishte zbuluar anomali në vend përpara shpërthimit, por se provinca do të kryente inspektime emergjente të prodhuesve dhe magazinave të tjera kimike.
