TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një tjetër rast i tentativës së kultivimit të lëndëve narkotike është goditur në Fier. Xh. T., 27 vjeç dhe E. Y., 37 vjeç, janë dy personat e arrestuar nga policia për veprën penale “Prodhimi dhe shitja e lëndëve narkotike”, ndërsa ky i fundit ishte shpallur në kërkim.
Po ashtu, 21-vjeçari G. Y., është arrestuar pasi gjatë momentit që autorët e dyshuar janë pikasur nga policia, ai ka ndihmuar shtetasin Xh. T., të largohej nga vendi i ngjarjes me automjetin e tij.
Materialet do t’i kalojnë Prokurorisë pranë Gjykatës së Shkallës për prodhim e shitje të lëndës narkotike.
Njoftimi i policisë:
Policia godet një tjetër rast të tentativës për kultivim të bimëve narkotike. Bien në prangat e Policisë 3 shtetas, njëri prej tyre i shpallur në kërkim për “Prodhim dhe shitje të lëndëve narkotike”.
Nga specialistët për Hetimin e Krimeve në Komisariatin e Policisë Fier u arrestuan në flagrancë, për veprën penale “Kultivimi i bimëve narkotike”, shtetasit E. Y., 37 vjeç (i shpallur në kërkim, me masë sigurie “Arrest në burg” të caktuar nga Gjykata për veprën penale “Prodhimi dhe shitja e lëndëve narkotike”) dhe Xh. T., 27 vjeç, të dy banues në Fier, pasi në një banesë të braktisur në fshatin Kreshpan, janë kapur nga shërbimet e Policisë, duke kultivuar në kubikë fidanë cannabis sativa.
Gjithashtu, për këtë rast u arrestua për veprën penale “Përkrahja e autorit të krimit”, shtetasi G. Y., 21 vjeç, banues në Kreshpan, i cili gjatë momentit që autorët janë pikasur nga shërbimet e Policisë, ka ndihmuar shtetasin Xh. T. të largohej nga vendi i ngjarjes me automjetin e tij.
Materialet do t’i kalojnë Prokurorisë pranë Gjykatës së Shkallës për prodhim e shitje të lëndës narkotike.
