TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vedat Muriqi ka qenë në qendër të merkatos së janarit teksa nga Anglia, ka pasur një sërë klubesh të gatshme për të përmbushur kërkesat e Fenerbahçes. Sulmuesi ka shkëlqyer me gola dhe e ka nisur edhe këtë vit me të njëjtin zakon duke udhëhequr të tijtë në garën për titullin kampion.
Së fundmi, është zbuluar se Fenerbahçe ka refuzuar një ofertë prej 28 milionë eurosh për futbollistin e përfaqësueses së Kosovës nga klubi i Bërnlej në Premier League. Turqit nuk duan ta humbasin në asnjë mënyrë liderin e tyre dhe në këtë formë kanë hedhur poshtë ofertën. Ndërkohë, nëse transferimi do kryhej me sukses, atëherë do të ishte edhe një rekord për Superligën turke.
Muriqi do shndërrohej në futbollistin më të shtrenjtë që largohej nga Turqia, teksa aktualisht rekordi mbahet nga sulmuesi Xhenk Tosun. Futbollisti që i shënoi Shqipërisë në kualifikueset e Euro 2020, është transferuar nga Beshiktash te Everton për shumën e 25 milionë eurove. Megjithatë, nëse Muriqi ia del të ruajë formën aktuale, atëherë nuk do ishte çudi që të thyente këtë rekord të kampionatit turk.
