LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

AKTUALITET, 10 Prill 2019, 23:03

Del bllof Xhaçka/ Shkel ligjin me të dyja këmbët, ja kush ka të drejtë ta nxjerrë ushtrinë në rrugë

TPZ
Del bllof Xhaçka/ Shkel ligjin me të dyja këmbët, ja kush

Ministrja e Mbrojtjes Olta Xhaçka njoftoi përmes një deklarate për mediat se ka urdhëruar vendosjen e efektivëve të Policisë Ushtarake dhe Batalionit Special të Forcave tona të Armatosura në perimetrin e aeroportit ndërkombëtar të Rinasit.

Kjo është hera e parë që ndodh një gjë e tillë, që ushtria shqiptare të dalë në rrugë e angazhuar në një çështje të garantimit të sigurisë.

Arsyet e këtij veprimi ministrja Xhaçka i justifikoi me argumentin:

Nuk mund të lejohet të cenohet as siguria e qytetarëve dhe as imazhi i vendit”.

Sipas ministres kjo është një praktikë, që zbatohet sot në thuajse çdo kryeqytet europian, por pa cituar asnjë ligj ku e kishte bazuar këtë urdhër.

Ndër të tjera Xhaçka deklaroi:

Po ashtu, duke qenë që në një distancë fare të shkurtër nga Aeroporti i Rinasit ndodhet e vendosur edhe Komanda Ajrore e Forcave të Armatosura, kam urdhëruar që edhe Policia Ushtarake të dislokohet në këtë komandë, duke ju bashkuar kështu Policisë së Shtetit për ta mbështetur atë në garantimin e sigurisë së aeroportit” .

Kjo deklaratë sipas opozitës është antikushtetues, pasi ushtria mund të dërgohet në Rinas vetëm kur Kuvendi ka shpallur Gjendjen e Jashtëzakonshme.

Kushtetuta e Republikës së Shqipërisë

Neni 173

  1. Në rast rreziku për rendin kushtetues dhe për sigurinë publike, Kuvendi, me kërkesë të Këshillit të Ministrave, mund të vendosë në një pjesë ose në të gjithë territorin e shtetit gjendjen e jashtëzakonshme, e cila zgjat për aq kohë sa vazhdon rreziku, por jo më shumë se 60 ditë.

  2. Me vendosjen e gjendjes së jashtëzakonshme ndërhyrja e forcave të armatosura bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.

  3. Zgjatja e afatit të gjendjes së jashtëzakonshme mund të bëhet vetëm me pëlqim të Kuvendit çdo 30 ditë, për një periudhë jo më shumë se 90 ditë!

 

LIGJI I PUSHTETEVE TE DREJTIMIT TE FORCAVE TE ARMATOSURA

Neni 22

Përdorimi i Forcave të Armatosura gjatë gjendjes së jashtëzakonshme

    1. Gjendja e jashtëzakonshme vendoset me ligj nga Kuvendi, sipas dispozitave të Kushtetutës së Republikës së Shqipërisë.

    2. Me vendosjen e gjendjes së jashtëzakonshme, Forcat e Armatosura, me vendim të Kuvendit, pas kërkesës së Këshillit të Ministrave, mund të ndërhyjnë për rivendosjen e rendit, vetëm kur forcat e policisë nuk janë në gjendje ta kryejnë këtë detyrë.

    3. Gjatë gjendjes së jashtëzakonshme Kryeministri është drejtpërdrejt përgjegjës për drejtimin e Forcave të Armatosura, përmes hierarkisë së drejtimit e të komandimit.

    4. Pas përfundimit të gjendjes së jashtëzakonshme Kryeministri i raporton Kuvendit për përdorimin e Forcave të Armatosura gjatë kësaj periudhe.

    5. Veprimet, që ndërmerren nga Forcat e Armatosura gjatë gjendjes së jashtëzakonshme, duhet të jenë në përpjesëtim me shkallën e rrezikut dhe duhet të synojnë rivendosjen sa më të shpejtë të funksionimit normal të shtetit.