TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump ka deklaruar se dhjetë pengje të tjera pritet të lirohen së shpejti nga Gaza, duke theksuar përparimin e arritur në përpjekjet diplomatike, por pa dhënë detaje të mëtejshme. Gjatë një darke me ligjvënës në Shtëpinë e Bardhë, Trump lavdëroi punën e të dërguarit të tij të posaçëm, Steve Witkoff, për rolin në negociatat për lirimin e pengjeve.
Kjo deklaratë vjen në një kohë kur negociatorët izraelitë dhe përfaqësuesit e Hamasit po marrin pjesë në bisedime në Doha që nga 6 korriku, me synimin për të arritur një marrëveshje për armëpushim 60-ditor, e mbështetur nga Shtetet e Bashkuara. Sipas Trump, shumica e pengjeve janë kthyer tashmë dhe pritet që dhjetë të tjerë të lirohen së shpejti, ndërsa ai shpreson që procesi të përmbyllet sa më parë.
Edhe pse Trump ka paralajmëruar prej javësh një marrëveshje të afërt për armëpushim dhe lirimin e pengjeve, ende nuk është arritur një marrëveshje përfundimtare. Ndërkohë, një zëdhënës i krahut të armatosur të Hamasit ka deklaruar se grupi mbështet një armëpushim të përkohshëm, por në mungesë të një marrëveshjeje aktuale, mund të rikthehet kërkesa për një zgjidhje gjithëpërfshirëse.
Propozimi aktual për armëpushim parashikon lirimin e dhjetë pengjeve dhe kthimin e trupave të 18 të tjerëve gjatë një periudhe dy mujore. Në këmbim, Izraeli pritet të lirojë disa të burgosur palestinezë.
Luftimet në Gaza kanë shkaktuar pasoja të rënda humanitare. Sipas autoriteteve shëndetësore palestineze, më shumë se 58,600 persona kanë humbur jetën në territorin e Gazës, ndërsa Izraeli raporton rreth 1,650 viktima, përfshirë 1,200 të vrarë gjatë sulmit të Hamasit më 7 tetor 2023.
