TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të paktën 700 kg kokainë u sekuestruan dhe katër persona u arrestuan në ishujt Kanarie. Duke iu referuar policisë spanjolle, El Pais shkruan se rasti ka lidhje me një rrjet kriminal që kryen trafikimin e sasive të mëdha të kokainës.
Operacioni i koduar Adriatica ishte një bashkëpunim i Europolit, hetuesve italianë të antimafias dhe policisë së Spanjës. Dy prej të arrestuarve janë italianë të lidhur me Ndragheta-n, ndërsa një i tretë është shtetas kroat i lidhur me një kartel droge në Ballkan.
I arrestuari i katërt është serb. Grupi përdorte një anije me flamur polak, për të sjellë kokainë nga Amerika Latine.
Mbajtja nën mbikëqyrje e tre të dyshuarve për një kohë të gjatë tregoi se edhe pse të papunë, ata kishin një standard të lartë jetese dhe silleshin sikur e përdornin mjetin lundrues për arëgtim.
Sipas një analize të bërë vitin e kaluar nga Europol-DEA, grupet mafioze evropiane po punojnë gjithnjë e më shumë së bashku me kartelet e Amerikës Latine për të importuar sasi të mëdha metamfetamine dhe kokaine në BE.
