TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shtetet e Bashkuara të Amerikës kanë vendosur sot sanksione ndaj shtatë zyrtarëve iranianë lidhur me mbylljen e aksesit në internet dhe shtypjen e protestuesve paqësorë pas vdekjes së 22-vjeçares Mahsa Amini në paraburgimin e policisë.
Departamenti Amerikan i Thesarit në një deklaratë tha se vendosi sanksione ndaj ministrit të Brendshëm të Iranit, Ahmad Vahidi; ministres se Komunikimit Eisa Zarepour; dhe Vahid Mohammad Naser Majid, kreu i Policisë Kibernetike iraniane, raporton Reuters.
“Shtetet e Bashkuara dënojnë mbylljen e internetit të qeverisë iraniane dhe shtypjen e vazhdueshme të dhunshme të protestave paqësore dhe nuk do të hezitojnë të synojnë ata që drejtojnë dhe mbështesin veprime të tilla”, tha në deklaratë nënsekretari i Thesarit, Brian Nelson.
Trazirat mbarëkombëtare të shkaktuara nga vdekja e Amini-t janë shndërruar në sfidën më të madhe për liderët klerikë të Iranit në vite, me protestuesit që bëjnë thirrje për rënien e Republikës Islamike të themeluar në vitin 1979.
