TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zyrtarët ukrainas thonë se ushtria ruse ka bombarduar zona të banuara në gjithë Ukrainën, ndërsa luftëtarët e tyre kanë goditur urën e fundit të punës mbi një lumë në Ukrainën jugore nën kontrollin rus, duke dëmtuar aftësinë e Rusisë për të rifurnizuar ushtrinë e saj.
Kryebashkiaku i qytetit Kramatorsk tha se një sulm rus me raketë shkaktoi vdekjen e tre personave dhe plagosjen e 13 të tjerëve të premten mbrëma. Kramatorsku është baza lindore e ushtrisë së Ukrainës.
Ndërkohë Ministria ruse e Mbrojtjes tha të shtunën se forcat e saj kishin marrë kontrollin e një fshati në periferi të qytetit të Donetsk, kryeqyteti i rajonit të cilin separatistët pro-Moskës e kanë pretenduar që nga viti 2014.
Trupat ruse hodhën gjithashtu qindra predha në rajonet veriore të Ukrainës, Kharkiv dhe Sumy, duke u vënë flakën arave me grurë./VOA
