TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prej javësh tashmë, Severodonetsk ka qenë në fokus të bombardimeve ushtarake ruse në Ukrainë. Sipas raporteve, rreth 70% e qytetit është aktualisht nën kontrollin rus, ndërsa forca ruse kanë zmbrapsur ato ukrainase nga qendra e qytetit, shkruan BBC.
Severodonetsk dhe qyteti i tij binjak, Lysychansk, formojnë një pikë qendrore të rëndësishme rajonale dhe industriale në rajonin Luhansk të Ukrainës lindore. Marrja në kontroll e qyteteve binjake do t’i jepte Rusisë kontrollin e të gjithë rajonit të Luhanskut, pjesë të të cilit tashmë kontrollohen nga separatistët e mbështetur nga Rusia.
Qytetet binjake ndodhen pranë lumit strategjik Siversky Donets, ndërsa pika kryesore 90 km e gjatë (56 milje) e vijës së frontit të Rusisë shtrihet në perëndim të lumit. Të dielën, rusët shkatërruan të dytën nga tre urat në qytet. Qëllimi i tyre tani është të shkatërrojnë urën e fundit të mbetur dhe të shkëputin Severodonetsk nga pjesa tjetër e Ukrainës.
Vetëm rreth 15,000 njerëz, nga një popullsi prej 100,000 paraluftës, besohet se janë ende të bllokuar në qytet. Për shkak të bombardimeve dhe luftimeve intensive në rrugë, evakuimi është pothujase i pamundur për momentin.
Luhansk dhe rajoni fqinj i Donetskut – që shtrihen nga Mariupol në jug deri në kufirin verior me Rusinë përbëjnë Donbasin. Donbas është aktualisht prioriteti kryesor i Presidentit Putin.
Suksesi ushtarak rus në Donbas mund të çojë në aneksimin nga Moska të të gjithë rajonit, sipas zyrtarëve amerikanë.
