TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Portugalia vendosi një rekord të ri të nxehtësisë për muajin maj, me temperaturën maksimale prej 40.3 gradë Celsius, e cila u regjistrua dje, të mërkurën, në Mora, në pjesën qendrore të vendit.
Lajmin e njoftoi sot (28 maj) Shërbimi Meteorologjik Portugez, duke sqaruar se rekordi i mëparshëm prej 40 gradë Celsius ishte në maj të vitit 2001.
Vendi i Gadishullit Iberik po goditet gjithashtu nga një valë e hershme e nxehtësisë, me të cilën po përballet një pjesë e madhe e Evropës, ku temperatura të rritura në nivele anormale janë vërejtur që nga fillimi i javës, veçanërisht në Francë, Mbretërinë e Bashkuar, Spanjë dhe Itali.
Sipas Shërbimit Meteorologjik Portugez, vendi ka përjetuar një valë të nxehti që nga 20 maji, e cila ka një “probabilitet shumë të lartë” të vazhdojë deri në fillim të qershorit.
“Vala aktuale e të nxehtit mund të jetë më e gjata dhe më intensive për muajin maj”, paralajmëroi Instituti Portugez për Detin dhe Atmosferën (IPMA) në një njoftim për shtyp.
Pjesa më e madhe e territorit portugez u vu në “alarm të verdhë” dje dhe sot, për shkak të këtij episodi të nxehtësisë së vazhdueshme, i cili rezultoi në një rritje të shtrimeve në spital, sipas Ministres së Shëndetësisë Ana Paula Martins.
