TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një burrë 64-vjeçar nga Ankona u gjet në krevat me një shigjetë të ngulur në kokë, por me fat mbeti i vetëdijshëm. Ai ndodhet në gjendje kritike në spitalin Torrette, ku mjekët i bënë një operacion të ndërlikuar për heqjen e shigjetës, që kalonte nga balli në pjesën e pasme të kokës. Neurokirurgu Maurizio Iacoangeli tha se ndërhyrja ishte jashtëzakonisht e vështirë dhe u krye me teknika ushtarake, pasi një milimetër më shumë do të kishte qenë fatal për pacientin.
Familjarët, të cilët nuk kishin marrë asnjë lajm prej tij për dy ditë, alarmuan autoritetet. Pas ndërhyrjes së zjarrfikësve dhe forcave të tjera, burri u gjet i shtrirë në banesë me shigjetën në kokë. Policia po heton rrethanat e ngjarjes dhe nuk përjashton as hipotezën e një aksidenti, as atë të një veprimi të qëllimshëm. Banesa është vendosur nën sekuestro për nevoja hetimore.
Mjekët theksuan se materiali i shigjetës – prej karboni – ishte një faktor kyç për suksesin e operacionit, pasi heqja duhej bërë me shumë kujdes për të mos shkaktuar hemorragji të rëndë. Pacienti, megjithatë, mbetet në kujdes intensiv me gjendjen e tij serioze.
