TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në këtë dyqan të Kievit, makinat që normalisht do të shkonin për riciklim po riparohen për hir të mbrojtjes së vendit.
Pronarët dhe punonjësit e dyqanit po punojnë vullnetarisht, duke kontribuuar në mbushjen e mangësive të ushtrisë ukrainase, e cila ka nevojë për automjete.
Këto të fundit sillen në dyqan për t’u riparuar. Struktura e tyre rregullohet dhe më pas dërgohen në vijën e frontit.
Edhe pse mjete të tilla nuk janë zgjidhja ideale për këtë mision, një prej inxhinierëve thotë se ato janë një alternativë e dobishme.
“Ne nuk jemi një vend i pasur dhe shteti nuk mund të pajisë gjithë ushtarët tanë me autoblinda, ndaj këto mjete janë një lloj kompromisi”, thotë Anton Senenko, mekanik.
Mekanikët nënvizojnë se jo të gjitha makinat që mbërrijnë në garazhin e tyre janë në fund të jetës. Disa prej tyre ofrohen nga fermerët për t’i çuar në betejë dhe kjo është frymëzuese për njerëzit që kanë përjetuar konfliktin gjatë këtyre muajve.
“Kur shohim se makinat zgjasin për disa muaj, gëzohemi. Ndihemi të frymëzuar. Pavarësisht lodhjes së akumuluar dhe presioneve psikologjike dhe emocionale, ne marrim mirënjohjen e ushtarëve dhe mbështetjen e popullit. Është bukur të shohësh se ajo për të cilën ke investuar shërben për të shkatërruar armikun”, shprehet Vlad Samoilenko, mekanik.
