TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbretëri e Bashkuar- Princi Charles Philip Arthur George tashmë është Mbreti Charles III.
Ai është shpallur ditën e sotme gjatë një ceremonie të Accesion Council, sipas traditës së Monarkisë, me prezencën e dëshmitarëve.
Një nga urdhërat e aprovuara nga Mbreti, është një ditë pushim për qytetarët në funeralin e Mbretëreshës Elizabeth II.
Turma njerëzish ishin mbledhur jashtë Pallatit St James duke kënduar himnin, tashmë të ndryshuar me fjalët "Zoti e ruajtë Mbretin!".
Në fjalën e tij Charles III foli edhe për Mbretëreshën e ndjerë dhe shërbimin e saj, duke lexuar edhe zotimet përkatëse për detyrën që sapo ka trashëguar, të cilën e cilësoi si "të rëndë".
Mbretëria e Bashkuar vijon të jetë në zi pas ndarjes nga jeta të Mbretëreshës Elizabeth II në moshën 96 vjeçare.
Në ditët në vijim do të zhvillohen ceremonitë e lamtumirës dhe funerali shtetëror i saj.
