TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ushtria izraelite thotë se 21 ushtarë të saj janë vrarë në Gaza, duke e cilësuar si dita më vdekjeprurëse për forcat izraelite që nga fillimi i operacionit të tyre tokësor.
Zëdhënësi kryesor i Forcave të Mbrojtjes të Izraelit (IDF), Daniel Hagari, tha se mendohet se një raketë goditi një tank pranë dy ndërtesave ku ndodheshin.
Ai tha se ndërtesat shpërthyen ndoshta si rezultat i minave që forcat izraelite kishin vendosur atje për t’i shkatërruar ato.
IDF thotë se është ende duke hetuar detajet e incidentit.
Incidenti ndodhi në Gaza qendrore, afër kibucit të Kissufit në anën izraelite të kufirit, rreth orës 16:00 të hënën, tha Hagari.
Ai tha se ushtarët, të cilët të gjithë ishin rezervistë, ishin përfshirë në një operacion për të lejuar banorët e Izraelit jugor të ktheheshin të sigurt në shtëpitë e tyre pasi dhjetëra mijëra u evakuuan pas sulmit të Hamasit më 7 tetor.
Presidenti izraelit Isaac Herzog shkroi në X, se kishte qenë një “mëngjes jashtëzakonisht i vështirë” për të mësuar për shkallën e numrit të të vdekurve.
“Në emër të gjithë kombit, ngushëlloj familjet dhe lutem për shërimin e të plagosurve”, tha ai.
Izraeli nisi luftën me qëllimin e deklaruar për të shkatërruar Hamasin pasi valët e sulmuesve të tij vranë 1300 njerëz, kryesisht civilë, dhe morën peng rreth 240 të tjerë në sulmin e paprecedentë.
Të paktën 25,295 njerëz, kryesisht gra dhe fëmijë, janë vrarë në fushatën ushtarake izraelite në Gaza që atëherë, sipas ministrisë së shëndetësisë të drejtuar nga Hamasi.
