TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të huajt duhet të tregojnë në ministrinë izraelite të Mbrojtjes nëse bien në dashuri me ndonjë palestinez në zonën e okupuar të Bregut Perëndimor, sipas rregullave të reja.
Rregulli i ri është pjesë e shtrëngimit të masave për të huajt që jetojnë në Izrael, ose që duan ta vizitojnë Bregun Perëndimor. Ato pritet të hyjnë në fuqi të hënën e ardhshme.
Rregulloret e paraqitura në një dokument të gjatë, përfshijnë një kërkesë për të huajt që të informojnë autoritetet izraelite brenda 30 ditëve nga fillimi i një marrëdhënieje me një person që ka identitet palestinez.
Kufizimet e reja për universitetet palestineze përfshijnë një kuotë për 150 viza studentore dhe 100 pedagogë të huaj, ndërsa në ato izraelite nuk ka kufizime të tilla.
Biznesmenët dhe organizatat e ndihmës thonë se edhe ata do të preken rëndë. Rregullat vendosin kufizime të rrepta për kohëzgjatjen e vizave, në shumë raste duke i penguar njerëzit të punojnë vullnetarë në Bregun Perëndimor për më shumë se disa muaj.
Rregullat e reja nuk zbatohen për ata që vizitojnë Izraelin, si dhe pjesët e kontrolluara nga palestinezët të Bregut Perëndimor, e as vendbanimet hebraike.
Izraeli pushtoi Bregun Perëndimor nga Jordania në Luftën e Lindjes së Mesme të vitit 1967.
Cogat, një njësi e ministrisë së Mbrojtjes të Izraelit, është përgjegjëse për administrimin e pushtimit të territorit palestinez.
