TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Forcat e ushtrisë ukrainase kanë konfirmuar sot vdekjen e “Fantazmës së Kievit", një prej komandantëve të forcave ajrore, Stepan Tarabalka.
Sipas The Times, ai është rrëzuar teksa drejtonte avionin tip MIG-29, ngjarje e ndodhur më 19 mars, por vetëm sot është konfirmuar zyrtarisht.
Për Ukrainën, komandanti konsiderohet një hero lufte dhe në ditën e parë të pushtimit thuhet se ka rrëzuar gjashtë avionë rusë.
Më pas ai dyshohet se qëlloi 36 të tjerë. Prindërit, gruaja dhe miqtë e tij i kanë kushtuar disa fjalë në rrjete sociale.
“Në qiell, Stepan nuk do të luftojë më armikun, ai do të presë vetëm fitoren e ukrainasve”, thonë miqtë e tij në Facebook.
Përkrenarja dhe syzet e tij pritet të shiten në ankand në Londër dhe ai u nderua pas vdekjes me medaljen më të lartë të vendit për trimërinë në betejë.
29-vjeçari ka lindur në një familje të klasës punëtore në fshatin Korolivka në Ukrainën perëndimore. Ai studioi në Universitetin Kombëtar të Forcave Ajrore në Kharkov, duke lënë pas gruan e tij Olenia dhe djalin tetë-vjeçar Yarik.
Nëna e tij, Nahtalia, tha se ai i shikonte MiG-të të fluturonin mbi shtëpitë e tyre dhe gjithmonë ëndërronte të bëhej pilot i forcave ajrore.
