TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në dosjen hetimore të pesë personave të akuzuar për vdekjen e Matthew Perry janë zbuluar edhe momentet e fundit të jetës së aktorit të serialit të famshëm “Friends”. Nga dosja është zbuluar se aktori i ka kërkuar asistentit të tij që t’i bëjë një dozë ketamine dhe po ashtu t’i përgatisë vaskën.
Kenneth Iwamasa, asistenti personal i Perry-t dhe Doktor Salvador Plasencia janë në mesin e të akuzuarve. Sipas dokumenteve të gjykatës, Plasencia dyshohet se i tha një pacienti se Perry ishte “shumë i avancuar në varësinë e tij” një javë para se të vdiste, por ende vazhdoi t’i shiste ketaminë përmes Iwamasa.
Ndihmësi i aktorit, Iwamasa, 59 vjeç, u deklarua fajtor më 7 gusht për shpërndarjen e ketaminës që rezultoi në vdekje dhe pranoi se i kishte injektuar në mënyrë të përsëritur Perry ketaminë pa trajnim mjekësor.
Dokumentet e gjykatës që përshkruajnë marrëveshjen e Iwamasa zbulojnë sesa shumë ishte i varur nga ketamina Perry.
Iwamasa akuzohet se i ka dhënë Perry ketaminë ditën e vdekjes së tij në orën 8:30 të mëngjesit dhe përsëri në orën 12:45, ndërsa Perry po shihte një film.
“Përafërsisht 40 minuta më vonë, Perry i kërkoi Iwamasa të përgatiste vaskën e nxehtë dhe i tha atij, ‘më jep një goditje të madhe’, duke iu referuar një injeksioni tjetër të ketaminës,” thuhet në dokumentin hetimor.
Pas injektimit të tretë në gjashtë orë, Iwamasa shkoi në punë. Kur u kthye, ai gjeti Perry-n e pajetë në pishinë.
Iwamasa u tha autoriteteve se filloi t’i injektonte Perry-t me ketaminë rreth një muaj para se të vdiste, pasi Perry ishte takuar me Plasencia rreth 30 shtatorit. Plasencia dyshohet se ka shitur ketaminë të lëngshme Perry dhe tableta ketamine.
Plasencia, 42 vjeç, u arrestua të enjten në Kaliforninë Jugore dhe u akuzua për shpërndarje të ketaminës. Ai u deklarua i pafajshëm në gjykatë të enjten pasdite. Avokati i tij nuk iu përgjigj një kërkese për koment.
Prokurorët federalë thanë se Plasencia i mësoi Iwamasës se si të administronte ketaminë me injeksion intramuskular, edhe pse Iwamasa nuk kishte përvojë në trajnim mjekësor.
