TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shefja për Energjinë së Bashkimit Europian, Kadri Simson, ka deklaruar se Rusia mund të ndërpresë totalisht furnizimet me gaz të Europës. Ndërsa u ka kërkuar vendeve të rrisin gatishmërinë e tyre.
“Që nga fillimi i pushtimit rus i Ukrainës, ne e kemi ditur se një përçarje shumë serioze është e mundur, dhe tani duket e mundshme. Ne kemi bërë punë shumë të rëndësishme për t’u përgatitur për këtë. Por tani është koha për ta rritur atë” tha komisionerja e energjisë Kadri Simson pas një takimi të ministrave të energjisë nga vendet anëtare.
“Situata është duke u përkeqësuar. Ndërsa furnizimi me gaz për vendet anëtare është aktualisht i garantuar, rreziqet e sigurisë së furnizimit janë më të mëdha se kurrë,” shtoi ajo, duke vënë në dukje se eksportet e gazit rus në BE janë gjysma e asaj që ishin një vit më parë.
Megjithatë, sipas saj, rreziqet e sigurisë së furnizimit nuk janë të ‘menjëhershme’ dhe sistemi evropian i gazit kishte “reaguar mirë dhe deri më tani ka qenë në gjendje të absorbojë shkurtimet”. Simson tha se Komisioni Evropian do të propozojë një plan të BE-së për t’u përgatitur për goditje të mëtejshme të gazit në korrik, pasi Rusia tashmë ka shkurtuar ose ulur furnizimet në 12 nga 27 shtetet anëtare të bllokut.
