TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Turqia ka reaguar ashpër ndaj një prej deklaratave të Emmanuel Macron, gjatë një vizite në Algjeri.
“Të jemi të qartë: shumë prej aktivistëve të Islamit politik kanë një armik: Francën. Shumë prej rrjeteve që janë nën presion të fshehtë, disa nga Turqia, disa nga Rusia ose nga Kina, kanë një armik: Francën”, citohet të ketë thënë presidenti i Francës.
Përfaqësuesja e Ministrisë së Jashtme turke, Tanzu Bilgic, e cilësoi të trishtë faktin që “presidenti francez bëri deklarata që synonin vendin tonë, bashkë me vendet e tjera”.
“Është e papranueshme që Macron, i cili ka vështirësi të merret me të kaluarën e tij koloniale në Afrikë, veçanërisht në Algjeri, të përpiqet të heqë qafe të kaluarën e tij duke fajësuar vendet e tjera, përfshirë vendin tonë.
Turqia, e cila inkurajon miqësinë, jo armiqësinë, dhe është ndër partnerët strategjikë të Bashkimit Afrikan, po përforcon dita ditës marrëdhëniet e saj si me Algjerinë ashtu edhe me vendet e tjera të kontinentit afrikan”, theksoi Bilgiç, duke shtuar:
“Nëse Franca beson se ka reagime kundër saj në kontinentin afrikan, ajo duhet të kërkojë burimin e këtyre reagimeve në të kaluarën e saj koloniale dhe përpjekjet e saj për t’i vazhduar ato me metoda të ndryshme dhe të përpiqet t’i korrigjojë ato.
Pretendimi se këto reagime janë shkaktuar nga aktivitetet e vendeve të treta, në vend që të përballen dhe të zgjidhin problemet e së kaluarës së tyre, jo vetëm që mohon një fenomen dhe histori sociologjike, por pasqyron edhe mentalitetin e deformuar të disa politikanëve”.
“Shpresojmë që Franca, të arrijë pjekurinë sa më shpejt të jetë e mundur për t’u përballur me të kaluarën e saj koloniale pa fajësuar vendet e tjera, përfshirë vendin tonë”, përfundoi ajo.
