BLOG, 22 Janar 2025, 12:34

7 akuzat e SPAK ndaj Bardh Spahisë

7 akuzat e SPAK ndaj Bardh Spahisë

Lajmi se SPAK ka marrë në akuzë ish-kryetarin e Bashkisë së Shkodrës, Bardh Spahia, sepse ka hequr nga puna një drejtor në Bashki, është veç maja e ajsbergut. Është gjysma e së vërtetës.

Si mund të merret SPAK me një çështje kaq “të rëndomtë,” kur nevojat për të hetuar çështjet e mëdha janë ulëritëse? Në Shkodër thonë se po te kërkosh lopën e zezë në mes të natës, çdo mi të duket si bishë.

E vërteta e plotë është se pas një hetimi shterues, ku janë shpenzuar qindra orë të oficerëve të BKH dhe vetë prekuroreve SPAK ka arritur të zbulojë se Bardh Spahia:

1. Ka fshehur inceneratorin e Tiranës. Jo vetëm që e ka fshehur, por e ka maskuar si landfill.

2. Si mjek, jo vetëm që Spahia ka ideuar, nxitur dhe konceptuar koncesionin e sterilizimeve, por ka dyshime të arsyeshme se ka nisur një projekt për të sterilizuar votuesit e qeverisë

3. Si kryetar bashkie, është provuar se ka lidhje me bandat e Shkodrës, veçanërisht me Bajrat, të cilëve u ka premtuar vendin e drejtorit që ka hequr nga puna

4. Bardh Spahia ka qenë në prapaskenë të demonstratës së dhunshme të 21 janarit, duke organizuar gjithçka dhe duke përdorur edhe paratë e veta për të financuar udhëtimin e “shkodranëve” drejt Tiranës

5. Bardh Spahia është porositësi i Tojota Yaris dhe njeriu që ka tërhequr gjithë fijet në prapaskenë

6.Bardh Spahia del në çdo bisedë të krimit të organizuar në aplikacionet sky, encro chat, matrix.

Mbi 10 mln dollarë vetëm në kriptovaluta/ SPAK sekuestron pasuritë e Çopjave: Prona nga Qeparoi në Tiranë, apartamente, dyqane dhe llogari bankare, ja LISTA E PLOTË e sekuestrimeve
7.Prekuroret e SPAK ende nuk kanë zberthyer një mesazh të koduar me dy fjalë dhe për këtë mesazh po kërkojnë ndihmën e partnerëve. Mesazhi është: “Nadja e mirë”

Kjo dosje monumentale e Bardh Spahise do të mbetet krenaria e SPAK-ut, për 5 vitet që kaluan dhe për 5 vitet që do të vijnë. Dosja e qepur me delikatesë konsiderohet si “Monalisa e drejtësisë shqiptare”.

Nëse dikush thotë se SPAK po merret me çikërrima, le ta mësojë sot se kjo çështje nuk është suksesi radhës, por edhe një tekst mësimor për brezat e ardhshëm të prekurorëve:

SPAK-u nuk ndalet! Është e qartë si drita e diellit që në Shqipëri krimi i organizuar dhe korrupsioni dridhet vetëm nga prekurorët që nuk dinë ku të ndalen!