TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Ne jemi në luftë me koronavirusin, jo me njëri-tjetrin” tha Presidenti i zgjedhur amerikan Joe Biden në një mesazh uniteti.
Në mesazhin e tij, Biden theksoi se po hapet një kapitull i ri në historinë e SHBA dhe u bëri thirrje të gjithë amerikanëve të kenë një qëndrim të përgjegjshëm ndaj pandemisë.
Presidenti i zgjedhur i Shteteve të Bashkuara paralajmëroi gjithashtu se amerikanët nuk do të lejojnë që rezultatet e zgjedhjeve të 3 Nëntorit të mos respektohen, pasi Donald Trump u bëri thirrje mbështetësve të tij të “përmbysnin” rezultatin e zgjedhjeve.
“Unë mendoj se kjo epokë e errët e ndarjes do të zhbëhet” tha demokrati në një fjalim nga Wilmington, Delaware.
Ai u përqendrua në nevojën për të shmangur udhëtimet, duke marrë parasysh rekomandimet e specialistit kryesor të sëmundjeve infektive amerikane, Anthony Fauci, ndërsa pjesën më të madhe të fjalës së tij ia kushtoi përparësisë së parë të stafit të tij, trajtimit të sëmundjes Covid-19.
