LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

BOTA, 12 October 2026, 21:14

BE hap kapituj të rinj negociatash me Ukrainën dhe Moldavinë, nesër pritet një tjetër hap drejt integrimit evropian

TPZ

BE hap kapituj të rinj negociatash me Ukrainën dhe Moldavinë,

Bashkimi Evropian do të hapë zyrtarisht të martën kapituj të rinj negociatash me Ukrainën dhe Moldavinë, në një hap të rëndësishëm në rrugën e dy vendeve drejt anëtarësimit në union. Lajmi u bë i ditur të hënën nga presidenti i Këshillit Evropian, António Costa.

“Përshëndes vendimin e marrë sot nga vendet anëtare të BE-së për të hapur dy kapituj të rinj negociatash me Ukrainën dhe Moldavinë. Presim me padurim hapjen e të gjithë kapitujve të mbetur sa më shpejt të jetë e mundur”, shkroi Costa në një postim në rrjetin social X.

Vendimi u mbështet nga të 27 vendet anëtare të BE-së, të cilat ranë dakord për hapjen e dy kapitujve të rinj të negociatave edhe me Moldavinë. Procesi i anëtarësimit të këtij vendi është i lidhur me atë të Ukrainës.

Përparimi i Ukrainës në procesin e integrimit u bë i mundur pas miratimit, më herët gjatë së hënës, nga Parlamenti ukrainas të ligjit për të drejtat e pakicave në arsim dhe në përdorimin e gjuhës. Kjo reformë ishte kërkuar nga Hungaria.

Ndërkohë, të martën pritet të mbyllen edhe tre kapituj të tjerë negociatash me Malin e Zi, i cili synon anëtarësimin në BE në vitin 2028. Gjithashtu, pritet të mbyllet një kapitull negociatash me Shqipërinë.

Megjithatë, vendet kandidate, përfshirë Ukrainën, kanë ende një sërë reformash për të përmbushur përpara se të plotësojnë acquis communautaire, tërësinë e rregullave dhe standardeve të Bashkimit Evropian. Këto përfshijnë fusha të ndryshme, nga mjedisi dhe bujqësia deri te tregu i brendshëm.

Në total, secili vend kandidat duhet të përmbyllë të paktën 35 kapituj negociatash përpara se të merret vendimi për anëtarësimin e tij.

Vendimi për pranimin e një vendi të ri në Bashkimin Evropian kërkon miratimin unanim të të 27 vendeve anëtare dhe më pas ratifikimin nga secili shtet veçmas, përmes parlamentit kombëtar ose referendumit.