TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjatë transmetimit të lajmeve në Radio Televizionin Publik të Kosovës (RTK) aktivisti i PSD-së, Nol Nushi, është paraqitur para kamerave, me pankartë në dorë “Radio Televizioni i Kurtit”. Pas kësaj, prezantimi i lajmeve është ndërprerë përkohësisht.
Kreu i PSD-së, Dardan Molliqaj, i cili ka publikuar videon në llogarinë e tij në Facebook, ka thënë se lajmet e televizionit publik tash e tutje janë lajmet e partisë.
“Redaksia tash është Qeveria. Policia nuk është më veç në rrugë. Ajo vjen përmes filtrave të censurës. Garanton Rilind Gërvalla, drejtor i televizionit, i deleguar nga Partia-Shtet”, shkroi ai.
Molliqaj ka theksuar se emërimet partiake nëpër ndërmarrje e agjenci janë bërë pjesë e përditshmërisë.
“Por, ky nuk është emërimi i radhës. Me këtë emërim pushteti na hyn nëpër shtëpi. Për të na treguar si duhet t’i kuptojmë veprimet e tij. Por, qytetarët tanë e kanë kaluar, dhe nuk do të kthehen me në kohërat e errëta ku jeton ky regjim. Liria do t’i gjejë rrugët e saj”, shkroi Molliqaj.
Veprimi ka ndodhur vetëm një ditë pasi Bordi i RTK-së, me shumicë votash zgjodhi Rilind Gërvallën drejtor të televizionit për kanalet shqip.
Gërvalla është konsideruar aktivist i partisë në pushtet, Lëvizjes Vetëvendosje.
Reagime për përzgjedhjen e tij kishte pasur edhe nga opozita parlamentare.
