TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri i Kosovës, Albin Kurti, ka nisur takimet me udhëheqësit evropianë pasi ka mbërritur në Bruksel ditën e sotme.
Kurti do të takohet me liderët e Gjermanisë, Francës dhe Italisë, ndwrsa më pas do jetë Vuçiç ai që do takohet po ashtu me liderët evropianë.
Sipas zëdhënësit të BE-së, Peter Stano, takimet janë në vazhdimësi të procesit që filloi fundjavën e kaluar, diplomatët nga Europa dhe të dërguarit perëndimorë vizituan Prishtinën dhe Beogradin.
Sakaq, i dërguari special i BE-së për dialogun Kosovë-Serbi, Miroslav Lajçak para fillimit të takimeve tha negociatat do jenë të hapura me vendet dhe nuk do ketë një ofertë të tipit “merre ose lëre”.
