TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetari Artan Hoxha ka folur rreth situatës së kultivimit të kanabisit në Shqipëri, rolin e krimit të organizuar dhe metodën e re që po përdoret për kultivimin e bimës narkotike nëpër banesa.
I ftuar në emisionin “Të Paekspozuarit” në MCN TV, Hoxha është shprehur se kanabisi sot korret katër herë në vit, ndryshe nga vitet e kaluara kur ky proces ndodhte vetëm një herë.
“Nga hera e fundit që kemi qenë bashkë dhe diskutonim për kanabisin, sot flasim për shtëpitë e barit dhe kanabisin e mbjellin në kushte artificiale, sepse marrin katër korrje në vit. Ndërsa ai që flisnim ne herën e fundit, kishte vetëm një korrje në vit.
Kjo më e thjeshta, bari kultivohet me llampa, dhe as çmimi nuk ka rënë sepse ata janë kujdesur të mos e rrisin sasinë .
Viti 2017 ishte një vit aq i mbrapsht, saqë shkatërroi edhe tregun e krimit të organizuar e çoi çmimin e kanabisit sa domatja, kurse tani që të ketë vlerë çmimi i kanabisit, edhe gjatë vitit të kaluar, edhe gjatë këtij viti ka qenë më i lartë, gjë që tregon që kultivim ka patur, por edhe kultivim i kontrolluar.
Cilësia e produktit është shumë e mirë, cilësia është e lartë, dhe çmimi është i lartë”, shprehet Hoxha. /TPZ.al/
