TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-zëvendësministrja e Financave, Irena Beqiraj thotë se pensionistët po kalojnë një situatë të vështirë për dy arsye. E para sepse pensionet e tyre kanë 12 vite që nuk rriten dhe e dyta janë ulur të ardhurat për ta nga remitancat.
E ftuar në emisionin “Log” në News24, Beqiraj tha se pensionistët janë votues aktiv dhe janë një bazë e rëndësishme e elektoratit socialist.
Sipas saj, mënyra sesi flasin partitë politike për pensionistët është populiste.
“Unë mendoj se pensionistët po jetojnë një situatë më të vështirë sesa e kanë pasur vite më parë. E para sepse pensionet e tyre kanë 12 vite që nuk rriten, ato indeksohen por nuk rriten dhe e dyta e ardhura e bazë e dytë që ata kanë janë remitancat, të cilat janë në euro dhe zhvlerësimi i euros ka ulur të ardhurën e dytë bazë.
Pensionistët janë votues aktiv dhe janë një bazë e rëndësishme e elektoratit socialist.
Mënyra si flasin partitë për pensionistët është populiste. Por ajo që mua më shqetëson është që edhe pse partia në pushtet i ka disa mjete për të bërë ndryshime, narativa e saj është larg këtyre mjeteve”, tha Beqiraj.
