TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident tragjik ka ndodhur mbrëmjen e djeshme rreth mesnatës në rrugën provinciale 82, e cila lidh Acquaviva delle Fonti me Gioia del Colle. Tre automjete janë përfshirë në përplasjen, duke shkaktuar vdekjen e dy personave, përfshirë një 19-vjeçar shqiptar.
Sipas raportimeve të para nga mediat vendase, dy makina janë përplasur me forcë, duke shkaktuar pasoja shkatërruese. Viktimat janë drejtuesit e automjeteve. I riu shqiptar ka ndërruar jetë menjëherë pas aksidentit, ndërsa 44-vjeçari ka humbur jetën sapo ka mbërritur në spital.
Shoferi i një makine tjetër, sipas Ansa, ka dalë i paprekur nga aksidenti. Grupi hetimor dhe karabinierët janë në vendngjarje dhe po punojnë për zbardhjen e shkaqeve të plota të përplasjes.
