TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Femra është krijesë e butë, e brishtë, ajo është për të na shërbyer, por jo për të na mbajtur. Të na rikthehet me 300 mijë lekë të vjetra paketa higjienike. Kjo ka kosto deri në 1.500 euro në muaj.
Ne këtë e gjejmë përmes njerëzve tanë të afërt. Nuk kemi mundësi që të kemi pavarësi ekonomike, që ne të ndihemi njerëz, të lumtur.”
Kështu deklaruan sot tetraparaplegjikët gjatë protestës që po mbajnë para kryeministrisë ku kërkojnë që qeveria ti ndihmojë të krijojnë pavarësi ekonomike.
Një përfaqësues i tyre, u shpreh për mediat, se kërkojnë që t’u rikthehet ndihma prej 300 mijë lekë të vjetra për të kryer nevoja higjienike.
Po ashtu, ata thanë se kërkojnë që të përfitojnë karburantin me çmime më të lira, në mënyrë që të udhëtojnë e të njohin vendin.
“Të mos shohim majtas dhe djathtas e të jemi krenar për atë që na pret përpara.
Realiteti sotëm është që një litër karburant ka vajtur dy mijë lekë. Nuk na intereson çmimi, ne na intereson litri, të njohim Shqipërinë, të jemi të pavarur.
Duhet të kemi një pavarësi tonën, kjo është pavarësia ekonomike që i takon shtetit tonë, sepse jemi aksidentuar në punë, miniera, në ushtri, në krye të detyrës. Është detyra e shtetit tonë që të na plotësojë kërkesat”, deklaroi një prej protestuesve.
