TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një skandal brenda skandalit ka përfshirë prokurorinë shqiptare e cila afishoi me bujë emrat e të arrestuarve për aferen e daljes së pagave të mbi 600 mijë të punësuarve shqiptarë. Njëra nga personat e dyshuar e cila u publikua me emër dhe me foto është edhe Eni Qirjako e cila akuzohet se në 6 episode ia ka kaluar përmes e-mailit zyrtar pagat e shqiptarëve Andi Agarait, ndërsa ky i fundit i fundit ia shiti për 20 mije lekë Klodian Sotës Sotës dhe Endi Ikonomit.
Por përpos dyshimeve për kamuflim gjurmësh për të mos lidhur skandalin politiko zgjedhor të patronazhistëve me atë të daljes së rrogave, tani ka ndodhur edhe një skandal tjetër.
Fotoja e publikuar e të arresturës Eni Qirjako nuk është e vërteta. Ajo i takon një shqiptarje tjetër, e cila punon prej vitesh si psikologe në Gjermani. Pra fotoja që gjithë publiku ka parë është fotoja e një qytetareje që është në punë të vet, ka jetën e saj private dhe faji i vetëm i së cilës, është se i ka besuar fotografinë e saj shtetit shqiptar, nga i cili ka marrë pashaportën. Fotoja që e asocion atë me një të arrestuar është foto e tërhequr nga sistemi Times.
Fillimisht kur u njoh me këtë fakt, Lapsi.al kujtoji se ky mos është një gabim i rëndomte i gazetarëve të kronikës i bërë nga shpejtësia. Pikërisht për këtë ne pyetëm tre katë kolegët tanë që e kanë publikuar foton. Por prej tyre mësuam se skandali është disa fish më i madh. Fotoja e psikologes shqiptare në Gjermani është pjesë e dosjes së prokurorisë.
Pra ajo ka dalë dhe është shpërndarë prej saj.
A kemi këtu të bëjmë me një nga ato gafat e përheshme të drejtësisë shqiptare që ka ndodhur shpesh të arrestojë dhe të vdekur? A kemi këtu të bëjmë me një mungesë ulëritëse profesionalizmi që për një person që e mbajnë në burg, prokurorët e ngatërrojn ë me dikë tjetër?
Apo e gjitha kjo është pjesë e një manipulimi që një drejtësi politike e bën për të daravitur çështjen e vjedhjes të të dhënave personale që aq shumë i djeg kësaj qeverie. Pikërisht kjo mbetet të shikohet.
Të premten në një deklaratë për mediat drejtuesja e Prokurorisë së Tiranës, Elisabeta Imeraj ka treguar publikisht pistat e hetimit ku është përqendruar deri më tani prokuroria për skandalin e publikimit të të dhënave të pagave të qindra mijëra qytetarëve shqiptarë.
Pas këtij komunikimi u shpërndanë dhe fotot e personave të arrestuar për skandalin e publikimit të pagave të shqiptarëve. Bëhet fjalë për dy specialistët e IT, Eni Qirjako dhe Andi Agaraj si dhe Klodian Sota e Endi Ikonomi. Këta dy të fundit janë dy punonjës të kompanive private që i kanë blerë të dhënat e shqiptarëve. Dy prej tyre akuzohen se shpërdoruan detyrën dhe dy të tjerët se ushtruan korrupsion duke blerë të dhënat personale të 650 mijë qytetarëve për vetëm 20-30 mijë lekë të reja./Lapsi.al/
