TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë së Lirisë, Ilir Meta thotë se Rama nuk mund të bëjë grusht shteti për të shpëtuar veten e tij nga skandali që është përfshirë me ish agjentin e FBI, McGonigal.
Në një komunikim me gazetarët, Meta u shpreh i bindur se Komisionit Hetimor do të ngrihet dhe Rama do të largohet.
Ai deklaroi se skandali do të thellohet me fakte të reja dhe persona të tjerë.
“Emri i Ramës është 14 herë në vendimet e drejtësisë amerikane për këtë çështje. Ato sapo kanë filluar. Së dyti, artikulli i NY Times i referohet prokurorëve në Uashington. Ata e thonë shumë qartë; ka ndërmarrë hapa për përfitime të këtij politikani.
Unë jam i bindur që komisioni hetimor do ngrihet, jam i bindur që Rama do të largohet. Ne nuk mund të lejojmë më që të jemi pa parlament. Nuk mundet. Është detyrim kushtetues.
Grusht shteti Edi Rama për të shpëtuar veten e tij nga një skandal i këtyre përmasave që do të thellohet me fakte të reja dhe me persona të tjerë, absolutisht nuk ka dhe nuk mund të ketë”, tha Meta.
