TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mafia shqiptare sërish në fokus të mediave ekuadoriane. Një person që ishte nën hetim nga Prokuroria në një komplot që përfshin kunatin e presidentit të vendit është gjetur i vdekur.
Viktima Rubén Cherres sipas hetimeve ishte operatori i dyshuar i një grupi kriminal me origjinë shqiptare me bazë në Ekuador dhe ishte i lidhur me Dritan Gjikën, një shtetas shqiptar me banim në Guayaquil. Që nga viti 2014, të dy kanë aksione të përbashkëta të 12 kompanive, shumica e lidhur me biznesin e pasurive të paluajtshme, sipas të dhënave. Tetë nga këto kompani u krijuan në një ditë të vetme, më 17 qershor 2021. Të gjitha këto janë të vendosura në një zyrë në ndërtesën Sky, që ndodhet në veri të Guayaquil.
Emri i Cherres figuron edhe në çështjen e përvetësimit për të cilin Presidenti Guillermo Lasso do të shkarkohet.
Si policia ashtu edhe ministri i Brendshëm ekuadorian, Juan Zapata, konfirmuan zbulimin dhe identitetin e viktimës në Tëitter. Bashkë me të ishin edhe tre viktima të tjera emrat e të cilëve ende nuk janë bërë të ditur. Trupat e tyre u gjetën në qytetin bregdetar të Punta Blanca, rreth 100 kilometra nga Guayaquil.
Prokuroria kishte rihapur hetimin ndaj viktimës në muajin shkurt, pas disa zbulimeve gazetareske ku u raportua se Cherres kishte kontakte me kunatin e presidentit ekuadorian dhe, përveç kësaj, kishte qenë objekt i përgjimit nga policia mes Qershor 2021 dhe Janar 2022 për lidhjet e tij me mafien shqiptare me bazë në Ekuador.
