TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kanë dalë sot përpara Gjykatës së Posaçme Antikorrupsion (GJKKO) anëtarë të grupit kriminal të Igli Kamberit që u godit 2 ditë më parë nga një operacion i përbashkët mes SPAK dhe Antimafias së Barit. Grupi i Igli Kamberit akuzohet për pastrim parash të përfituara kryesisht nga trafiku i lëndëve narkotike.
GJKKO ka lënë në burg Edi Brahaj, Ergys Kastratin dhe Sajmir Pirrën. Masa e sigurisë është ndryshuar për bashkëshorten e Kamberit, Nevila Kamberi, e cila u la në “arrest shtëpie” ndërsa shoferi që tentoi futjen e 680 mijë eurove nga Mali i Zi drejt Shqipërisë më 2025, u la në ‘detyrim paraqitje’.
Masa e sigurisë u është konfirmuar dhe disa prej shqiptarëve në Itali, mes tyre dhe kreu i grupit Igli Kamberi. Ky i fundit ndodhet aktualisht në burg për trafik droge dhe vrasjen e 26-vjeçarit italian Francesco Diviesti më 25 prill 2025. Ishin hetimet e zhvilluara për këtë ngjarje që çuan në zbulimin e rrjetit kriminal të pastrimit të parave.
Po në kuadër të këtij operacioni, me vendim të GJKKO-së u janë sekuestruar 23 pasuri familjarëve e bashkëpunëtorëve të Igli Kamberit. Sekuestrimi është bërë për 4 biznese, 680 mijë eurove të kapura në pikën doganore të Morninës në 2025 të transportuara nga Lefter Nela, 10 llogarive bankare dhe 4 automjeteve.
Masat e caktuara nga GJKKO
Arrest me burg
Edi Brahaj
Ergys Kastrati
Saimir Pirra
Detyrim paraqitje
Lefter Nela
Arrest shtëpie
Nevila Kamberi
Masat e sigurisë të komunikuara në Itali
Igli Kamberi
Idajet Kurti
Bardhok Gjergji
Sokol Fusha
Dritan Buzi
