TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Artan Hoxha ka qenë i ftuar në emisionin "Të Paekspozuarit" në MCN TV, ku ka folur për ekzekutimin e Roan Brahimit, i njohur si armik i Ervis Martinajt.
Hoxha tha se është takuar me Brahimin në Dubai dhe se ishte çuditur që, me problemet që kishte, ai ka vajtur në Greqi, ku edhe u eleminua. Gazetari shpjegoi të shkuarën kriminale të viktimës dhe ngjarjet ku dyshohet se është përfshirë.
"Ngjarje që ka ndodhur në datën 9 maj në Athinë. E kemi diskutuar, Athina është qyteti më i rrezikshëm për jetën. Grupet tona më të rrezikshme.
Roan Brahimin (Sidi), e kam takuar për herë të fundit në Dubai.
Konflikti me Martinajn? E kanë thirrur. Më saktë një njeri i veti e ka çuar në mirëbesim, e kanë marrë peng dhe e kanë dhunuar. Mbrapa, u ka kërkuar që ose më vrisni, por mos më torturoni. Atë e kanë torturuar. Ka qenë armik i betuar ndaj Martinajt. Këta kërkonin të armatosur Vis Martinajn dhe njerëzit e tij.
Më mbrapa është akuzuar për pjesëmarrje në vrasjen e Brilant Martinajt në vitin 2022. Është shpallur në kërkim. Është nxjerrë në kërkim policor, por nuk ka dhënë deklarime.
Ngjarja e fundit ku është përmendur emri i Sidit, është vrasja e Gentjan Bejtes. U arrestua kunati i tij dhe një i afërm si i përfshirë në atentat.
Por, akuza ishte që këtë punë e ka organizuar Sidi. U çudita që kishte vajtur në Athinë, duke ditur problemet që ai kishte. Nuk ka lidhje me Vis Martinajn, as njerëzit e tij, me vrasjen e Sidit", tha Hoxha.
