TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me gjashtë vite burg e ka dënuar Gjykata e Elbasanit Aldrion Shehu, që shkaktoi aksidentin masiv në Elbasan dy vite më parë.
Prokurori Ritvan Sukaj kishte kërkuar dënimin e tij me 30 vite burgim. Gjykata riklasifikoi njërën nga veprat atë të vrasjes së punonjësit të policisë duke e klasifikuar si kanosje.
Aldrion Shehu duke drejtuar një makinë tip “Passat” kaloi tre postblloqe që nga Pogradeci në Elbasan duke e detyruar policinë që të ndërhyjë forcërisht për ndalimin e tij.
Në këtë mënyrë, forcat e rendit i kanë hedhur zinxhirë me gozhdë për çarjen e gomave të makinës së Aldrion Shehut duke bërë që ai të kalojë në anën tjetër të rrugës, gjë e cila solli edhe përplasjen me mjete të tjera. Nga aksidenti masiv u plagosën pesë persona të pafajshëm, mes tyre dhe një polic.
Policia i bëri shenjë të ndalonte por Shehu shtoi shpejtësinë ndaj u vendos në ndjekje të tij për disa kilometra.
Policia kishte dyshime se Shehu mund të ketë patur lëndë narkotike në makinë.
