TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndryshime për ligjin e armëve, Tabaku: Kërkoni të ndërhyni dy herë brenda dy muajsh. Me kërkesë të një operatori për ndryshimin e listës së municioneve
Deputetja demokrate Jorida Tabaku, në fjalën e saj në Kuvend ngriti pyetjen se përse ligji i armëve duhet të ndryshohet dy herë brenda dy muajsh.
Ajo u shpreh se dy muaj më parë Kuvendi u mblodh me kërkesë të një operatori të shpërndarjes së armëve në mënyrë që të ndryshohet lista e municioneve.
“Ligji i armëve u ndryshua para dy muajsh sepse një operator që merrej me shpërndarje kërkoi që në listë të futeshin dy lloje të ndryshme armësh municionesh.
Pra dy muajsh gjithë Parlamenti e ndryshoi ligjin me këtë kërkesë, komisionet brenda ditës u mblodhëm. Po ky ligj është ndryshuar para 6 muajsh. Çfarë është kaq urgjente për ligjin e armëve që nuk u ndryshuar nga një operator tjetër që e ka kërkuar këtë? Pyetje legjitime, U mblodh parlamenti sepse një ofrues që shiste armë kërkoi ndryshimin e listës. Tani po kërkoni sërish parlamenti të mblidhet. Si mund të mblidhemi me kërkesë të një operatori? Kush janë arsyet që nuk u ndryshuan dot para dy muajsh e po kërkohet të ndryshohet tani.
Ky është një ligj jo i thjeshtë ka debat dhe prek shumë interesa, është i përafruar me legjislacionin e BE”, u shpreh Tabaku.
