TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në një kohë kur shqiptarët po kërkojnë gjithnjë e më shumë zë në politikën dhe institucionet amerikane, një emër spikat si shembull frymëzimi: Suzi Shkreli.
Ajo është Komisionerja e Lotarisë së Shtetit Michigan, një post kyç që menaxhon miliarda dollarë fondesh që përdoren për arsimin publik.
Jo vetëm që është një nga gratë më të rëndësishme në administratën e Michiganit, por edhe një nga shqiptarët më të suksesshëm që përfaqëson komunitetin tonë me dinjitet dhe kompetencë.
Por rruga e Suzit ka qenë gjithçka veçse e lehtë.
E lindur dhe rritur në SHBA nga prindër shqiptarë emigrantë, Suzi Shkreli ka ndërtuar karrierën si avokate, duke u bërë një figurë e respektuar në fushën e drejtësisë.
Ajo kandidoi për Kongresin Amerikan dhe, megjithëse nuk fitoi atëherë, tregoi se një grua shqiptare mund të hyjë në skenën e madhe politike amerikane me dinjitet dhe mbështetje të fortë nga komuniteti.
Në vetëm tre muaj fushatë, Suzi Shkreli arriti të mbledhë 600 mijë dollarë, kryesisht nga komuniteti shqiptar – një dëshmi e forcës së bashkimit dhe besimit që ajo frymëzoi.
Sot, ajo është zyrtarisht në krye të një prej institucioneve më të rëndësishme të Michiganit: Michigan Lottery, nga ku fondet e mbledhura ndihmojnë shkollat publike dhe sistemin arsimor të shtetit.
Suzi Shkreli është më shumë se një emër. Ajo është një model për gjeneratat e reja shqiptaro-amerikane.
