TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një skandal në radhët e Policisë së Shtetit është bërë publik ditën e sotme pas rrjedhjes së një bisede në aplikacionin ‘WhatsApp’ mes disa efektivëve të uniformave blu të cilët bënin komente seksiste ndaj një adoleshenteje e cila ishte raportuar si e larguar nga banesa.
Pas dërgimit të fotos së të resë, nga njëri prej tyre të cilit efektivët i referohen si “shefi”, një prej policeve që komenton është edhe Ina Nuka, efektivja e cila mori vëmendje publike kur u plagos rëndë në gishtat e dorës gjatë një proteste të banorëve të Astirit te Parlamenti pak vite më parë dhe më pas u takua edhe me kryeministrin Rama i cili në shpërblim i puthi duart dhe e vizitoi pas ndërhyrjes së kryer në dorë.
Nuka komenton menjëherë foton e së resë duke pyetur “çfarë vit prodhimi është shef?”, pyetje të cilës ai i përgjigjet me “model i fundit më duket”.
Biseda vijon më poshtë me komentet e policëve, ku njëri i drejtohet Nukës ta shohë të renë “nga parakolpi”, me efektiven që i përgjigjet “Si urdhëron shef. Fshati që duket s’ka nevojë për kallauz”.
Më tutje i njëjti efektiv që komunikon me Nukën thotë se duhen pyetur punëtorët e një lokali që kishte kallëzim atë ditë, ndërsa Nuka përgjigjet duke thënë se subjekti, pra adoleshentja e humbur, “nuk lëviz nëpër ato zona” dhe se ka “drejtim të saktë me objektive të qarta për jetën”.
BISEDA E PLOTË:
Rustem Dervishi: Kjo vajzë është larguar nga banesa dhe nëse konstatohet të shoqërohet në Komisariatin më të afërt.
Ina: Çfarë vit prodhimi është shef?
Rustem Dervishi: Modeli i fundit duket
Efektivi: Shikoje Ina nga parakolpi
Ina: Si urdhëron shef! Fshati që nuk nuk ka nevojë për kallauz!
Efektivi: Fshati që duket që nuk ka nevojë për drita
Rustem Dervishi: (bisedë e fshirë) 24 -02—2005 shkurt
Efektivi: Do pyetur ata punëtorët e atij lokalit që kishin sot për kallëzim, mbase e kanë parë
Ina: Ahh jo shef subjekti në fjal nuk lëviz nëpër ato zona! Ka direzione të sakt me objektiva t’qarta për jetën.
