TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Furgoni e mori kthesën gjerë dhe shoqja jonë (drejtuesja e ‘Land Rover’ frenoi për të shmangur përplasjen, ndërsa makina rrëshqiti nga lagështia.”
Kështu kanë deklaruar dy shtetaset italiane, Anna Cascavilla, 23 vjeçe, dhe Giulia Parimi, 22 vjeçe, të cilat i mbijetuan bashkë me shoferen aksidentit, nga i cili pesë persona humbën jetën.
Ngjarja e rëndë ndodhi ditën e djeshme në Qafën e Muzinës.
Gjatë natës është dhënë urdhri i ndalimit për shoferen e fuoristradës, 22-vjeçaren Rexhina Çelhaka, për shkelje të rregullave të qarkullimit rrugor.
Ndërkohë që ende nuk ka dalë shkaktari i aksidentit dhe hetimet vazhdojnë.
Viktima të aksidentit ishin; Olesander dhe Tetiana Fediaieva, 53 dhe 48 vjeç, nga Ukraina, Bardhi Proda (shoferi) dhe çifti i bashkëshortëve, Fiqiri e Dritë Korçari.
Fatmirësisht nga furgoni, i cili përfundoi në humnerë doli e gjallë Gerta Kaberdini, 25 vjeçe.
