TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sassuolo për herë të parë në histori ka triumfuar kundër Juventusin në Torino dhe sigurisht që sonte festa e tyre do të zgjatë deri vonë. Bardhezinjtë janë befasuar në minutën e fundit të ndeshjes, kur Lopez me një parabolë i ndëshkoi dhe u shkaktoi humbjen.
Sassuolo kishte kaluar në avantazh në fundin e pjesës së parë, me anë të Frattesi (44’). Juventusi u hodh në sulm dhe barazoi me McKennie (76’), por në fund u mposht në mënyrë dramatike me golin e Lopez (94′) dhe konfirmon kështu edhe problemet që ka këtë sezon.
Sonte ka festuar edhe Atalanta, që ka triumfuar me rezultatin 3-1 me përmbysje kundër Sampdorian. Ekipi nga Genoa realizoi që në minutën e 10 me Caputo, por festa zgjati shumë pak. Askildsen shënoi në portën e tij, kurse Zapata kaloi në epërsi skuadrën e Gasperini. Në fund shënoi një gol edhe Ilicic.
Në barazim ka përfunduar takimi mes Udinese e Hellas Verona. Barak me penallti i ka hequr dy pikë skuadrës friuliane, që kishte kaluar në avantazh që në minutën e tre më anë të Success.
