TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy vëllezër të moshave 21 dhe 19 vjeç janë dënuar me vdekje në Bjellorusi, pasi kanë vrarë ish-mësuesen e tyre me thikë dhe më pas ia vunë flakën shtëpisë së saj.
Stanislav dhe Ilia Kostseu goditën mbi 100 herë me thikë ish-mësuesen, pavarësisht lutjeve të saj për të mos e vrarë. Policia bëri një hetim të shpejtë dhe gjeti fajtor dy djemtë.
Dy të rinjtë pranuan se e kanë kryer krimin, ndërsa kërkuan mëshirë e t’ju falej jeta. Ata kërkuan nga presidenti i vendit Aleksandër Lukashenko që t’u falte jetën, por kreu i shtetit refuzoi ta bënte diçka të tillë, shkruajnë mediat botërore.
Të dy djemtë thanë se kanë qenë të dehur kur vranë ish-mësuesen, por sërish ata nuk shpëtuan nga dënimi kapital. Bjellorusia është i vetmi vend europian, ku dënimi me vdekje është akoma në fuqi. Ajo ka qenë një pjesë e sistemit juridik të vendit që nga shpallja e pavarësisë nga Bashkimi Sovjetik më 26 dhjetor 1991. Kushtetuta aktuale kombëtare e parashikon këtë dënim për “krime të rënda”.
Nga viti 1991, më shumë se 400 vetë janë dënuar me vdekje në këtë shtet.
