TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
FIFA nis hetim për Serbinë në lidhje me ngjarjet që ndodhën në ndeshjen Zvicrës.
Federata e Futbollit të Kosovës kishte dërguar ankesë zyrtare në FIFA për shkak të “fyerjeve nga trajneri i përfaqësueses së Serbisë” si dhe “veprimeve raciste të tifozëve serbë”.
Ja çfarë shkruhet në komuniktan zyrtare të FIFA-s: “Komiteti disiplinor i FIFA-s ka nisur procedurë kundër Federatës së Futbollit të Serbisë, për shkak të shkeljes së mundshme të nenit 12 [sjelljes së pahijshme të lojtarëve dhe zyrtarëve], nenit 13 [diskriminim] dhe nenit 16 [rendi dhe siguria e ndeshjes] të Kodit Disiplinor të FIFA-s, në lidhje me incidentet gjatë ndeshjes midis Serbisë dhe Zvicrës, që u mbajt më 2 dhjetor në kuadër të Kupës së Botës”.
Sipas informacioneve të gazetës zvicerane “Blick”, nuk do të ketë asnjë procedim ndaj Zvicrës apo kapitenit Granit Xhaka.
Kjo është procedura e dytë disiplinore që FIFA inicion ndaj Serbisë. Në nëntor, pas një ankese të FFK-së, FIFA hapi procedurën disiplinore për shkak të shfaqjes së një flamuri në dhomat e zhveshjes së përfaqësueses së Serbisë, me hartën e Kosovës me ngjyrat e flamurit serb dhe me mbishkrimin “S’ka dorëzim”.
