TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mediat kosovare paraprijnë se nesër mund të finalizohet përfundimisht një marrëveshje për koalicionin qeverisës.
Sipas skenarit që ato kanë ngritur duket se LVV do t’i japë LDK-së dhe një ministri tjetër si ajo e Ekonomisë, Tregtisë dhe Industrisë ku si emër për këtë ministri gjatë ofertës publike të dy ditëve më parë Rozeta Hajdarin. Gjithsesi Kurtit i mbetet post i kryeministrit, i kryetarit të Kuvendit që është Glauk Konjufca si dhe katër ministry kurse LDK merr 6 ministri dhe Presidentin.
Sipas të gjitha gjasave, Lëvizja VETËVENDOSJE! dhe Lidhja Demokratike e Kosovës kanë arritur pajtueshmëri për të bashkëqeverisur.
LDK do të ketë gjashtë ministri:
Ministria e Jashtme, e Integrimit Europian dhe Diasporës
Ministria e Brendshme, e Administratës Publike dhe Pushtetit Lokal
Ministria e Arsimit dhe Kulturës
Ministria e Infrastrukturës dhe Ambientit
Ministria e Mbrojtjes
Ministria e Bujqësisë dhe Zhvillimit Rural
Lëvizja Vetëvendosje do të ketë katër ministri:
Ministria e Drejtësisë
Ministria e Financave dhe Transfereve
Ministria e Ekonomisë, Tregtisë dhe Industrisë
Ministria e Shëndetësisë dhe Sportit
LDK-ja do ta ketë të drejtën për ta propozuar kandidatin për Presidentin e Kosovës, i cili do të përkrahet nga Lëvizja VETËVENDOSJE!
Glauk Konjufca do të mbetet Kryetar i Parlamentit.
Vjosa Osmani do të mund të zgjidhet Ministre e Punëve të Jashtme ose Zëvendëskryeministre e parë.
/Klan Kosova
