TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas vendimit të Organizatës Botërore të Shëndetësisë për të shpallur gjendjen e pandemisë nga koronavirusi, kryetarja e LSI-së, Monika Kryemadhi thotë se edhe Shqipëria është seriozisht e përfshirë në pandemi.
Ajo thotë se situata kërkon solidaritet dhe sakrificë nga qytetarët dhe se askush nuk mund ti shmanget.
Zonja Kryemadhi bën apel që të dëgjohen këshillat e mjekëve.
Reagimi i plotë:
Organizata Botërore e Shëndetësisë sapo shpalli gjendjen e pandemisë nga koronavirus.
Shqipëria është seriozisht e përfshirë në pandemi dhe sot për fat të keq një qytetare humbi jetën. Natyrshëm ngushëllime e mia më të sinqerta shkojnë për familjen e së ndjerës.
Kjo situatë kërkon solidaritet të të gjithë qytetarëve dhe vëmendjen më të lartë ndaj këshillave dhe rekomandimeve të mjekëve.
Është një moment që kërkon sakrificë, të cilës askush nuk mund ti shmanget, por të gjithë jemi të bindur se në këtë mënyrë do t’ja dalim ta kapërcejmë me sa më pak dëme situatën e pandemisë.
Të vlerësojmë çdo moment, të dëgjojmë çdo rekomandim, të zbatojmë çdo këshillë dhe situata do të jetë e kapërcyer.
Të kujdesemi për veten, sepse kështu kujdesemi edhe për personat e tjerë të familjes.
Solidaritet dhe mbështetje me gjithë zemër për mjekët, infermierët, sanitarët, inspektorët e shëndetit publik, epidemiologët dhe të gjithë forcat që po përballen me vetëmohim dhe sakrificë me pandeminë.
Respekt pafund për ta!
